|
La torre de La Quintana, neto que la casona (güei remodelá totalmente) a la que tá amestá, cíncase en un tarrén deintro del I.E.S. La Quintana, averáos a la carretera xeneral. La torre llevantóse en el siglu XIV, y la casa en el XVI. Esti torreón de defensa, tien tres altures y sobráu. Ye de planta circular, con un diametru de 9 m., 12'75 de altór y una gordura de muries de 1'45 m. Túvo de aviáse en torno al 1540, pa facer un pasadizu con cuenta de comunicála con la casa; abrir los ajimeces en la planta segunda, el camudamientu de cubierta, y quiciabes, el recrecíu de les múries. El propietariu más vieyu qu'alcuentro, paezme que ye un tal Alberto Garcia Ciaño (siglo xv), general de mar y tierra, del que se acolumbrába el nome escritu en piedra en la ilesia parroquial de Ciañu; familia que fizo de esta torre y la casa, la so finca cimera. Más alló, un nietu de só, Suero Garcia Ciaño, camudóla "en un trueque por cierta deuda de maravedís", que tenía con Iván Bernaldo de Quirós; siendo mercá más llueu por el prior Solís, el cual amestói el desván y el teyau. En el puente de piedra que la xunta con la casa, agueyase un escudu bien esgonciáu, con les armes de los Solís, Bernaldo de Quirós, Miranda y Sanfrechoso: el sol, las llaves, venera y pendón. Otru postreru dueñu, Don Pedro Solís, tuvo un poema en bable dedicáu por don Francisco Bernardo de quirós y Benavides, a un caballo del poeta, el cual ufierta a don Pedro pa que lu asoleye como corresponde al su puestu de "Alferi Mayor" per la capital. Llámase entós "El Caballo, y merez la pena amuesalu equí: "Señor
don Pedro Solís, el que tien a nes corades Los de Baldeburón yeren unos caballos cántabros semisalvajes, y lo de les polaines refierse a un privilexu que tenía Don Pedro, como otros caballeros, de nun tener que qutáles al entrar en la Ilesia Catedral. |
|
