En esta casa, güei desapaecía, vivió la mesma familia a lo llargo de al menos seis generaciones, incluso dempués de la Guerra Civil Española, allá per los años cincuenta, cuando fue cedía p' abellugase en ella un colexu de monxes, fundáu por Doña Rosario Felgueroso. Enantes asitiábase el cuartel de la Guardia Civil; túvo estróces enforma y fue aburá por el fuéu, por mor de la Revuelta d' Ochobre de 1934.
   Según Eladio Garcia Jove, yera conocía como la casa de Los Menéndez de Luarca, y fue fundá también por los Buelga, por Fernando de La Buelga Ordóñez, descendiente de Thoribio de la Buelga, al que y la dexó, el so pá, Pedro, pa mecer esta castra con Marquesa de Vigil Ordoñez.Ye la más moderna de les cases solarieges de Ciañu, faltando, al paecer, el escudu, según el huecu que pa tala cosa habia en la fachá.
Según dalgunos vecinos que la conocieron hallá per los años 30:
   Casi toa la planta baxa, con entrá por la fachá principal, yera un café, con mesa de billar.    En el pisu cimeru taba el chigre, de los mismos dueños que teníen tamién vivienda, y de otra sala pa facer el baile de los sábados y díis de fiesta. El cuartel tomaba la otra parte de los baxos con entrá por el llateral de la manzorga ( de xuru, el más vieyu, pues tenía un porche debaxo d'otru corredor); el cuerpu de guardia, el despachu del comandante del puestu y el cuartón. El pisu superior yera pa viviendes del destacamentu.
   En el tarrén de la casa averáu a la carretera xeneral, fízose un gran barracón destináu a cinematógrafo.

   Habíalos enforma, per aquel entonces, a lo llargo de tou el valle del Nalón, propiedá de la casa de Quirós, que vivíen dafechu en Olloniego, onde aún queden ríspios d'una de elles en un cantu. Habia guapamente, según abondos testimonios, una en Riañu, en La Felguera, en la Torre d' Abaxo, otra un pizcu más arriba: la Torre de Los Reyes (aforá a la casa de La Buelga), la Torre de la Quintana que aún tá y una cuadrá en la casa de Cimadevilla, otra en el Entrego nomá la de La Laguna, y ya en el Condao la que se pué columbrar xunto a la carretera, y los cachos que queden en Rioseco, al otru llau del pantano. De xuru, existieren más, pero nun teo constancia d' elles.

  Sobre la Malateria, atópense enforma datos venturiegos y dudes. Garcia Jove afitaba que en el siglu pasáu, afayabase una leproseria en una casa que nomaben La Malateria, de planta baxa con tres puertes de canteria, una en la paré delantre y otra en les llaterales, lo que amuesaba lo antíguo de la fechura y el so destín. Amás, existía una casa con esi nome (el cual se garró pa ponéi nombre la calle del mismu sítiu), propiedá de Domingo de Argüelles, que más tarde fue mercá en subasta por mor de un hipoteca por Fernando Garcia de La Buelga. D'otra mientre, magar que llangreu fue conceyu que tenía a magüeyu de pelagra, la Malateria de Ciañu nun s' asoleya en la Etiologia de La Pelagra de Roel.
   A mou de comentáriu, y según algunos divulgos y falamientos, existíen una serie de túneles que llevaríen del asilo a la malateria y quizás la ilesia, pue que pa'l traslláu de los leprosos fuera de la xente, o per otros motivos que nun atalanto. Gëi, tras el derribu d'una casona que taba delantre la malateria, topóse la entrá de ún de los tuneles, que fue utilizáu como refuxu en tiempu la guerra. Pue vese en les semeyes, la entrá del tunel (a la manzorga la foto) y un rispiu de la entrá del tunel.

 El colexu de San Antonio de La Salle, que abría les puertes allá un 10 de Marzo de 1941, con 156 neños (d'aquella nun yera mixtu) y cuatro hermanos de la Salle; construíu por enfotu, (y dempués de abondos pidíos) de Don Antonio Lucío Villegas, director de Duro-Felguera al H. Provincial de La Salle, y con el sofítu de Carbones Asturianos y la Real Compañia Asturiana, y por mor de la cesión del tarrén por el Marqués de San Feliz. Fue nomáu el 6 de Xunu de 1977, Fíu Adoptivu, por l'Ayuntamientu de Llangreu, y Llangreanu d' Honor, en 1981 por la Sociedá de Festexos del Carbayu.La só fama y llabor educativa y pedagogica, ye bien conocía en tou el valle y mesmo fuera d'él, y pué tenese, con razón, como monumentu históricu. Pa facese una idéa más afayaiza, pueden allugáse a la su página web.

 La actual capilla del Carbayu, ye del siglu XVIII, y pué acolumbráse en la so arquitectura les huelles y señales de los tres tiempos y cuerpos del edificiu en que foron fechos, pues la primitiva capilla (caméntase que la su edá ta entre el siglu XIV y XV ) fué agrandá dos veces, abellugando en cada aumentu la portada y la fachá vieya. Costruyóse, según la leyenda, por los surdimientos de la virxen enriba un carbayu de la rodiada.
   En aquelles dómines, existió una cofradía, que llogró pertener gran cantidá de ayalges por les donaciones que facíen los vecinos en los díis de folixa; poro, con la desamortización y los estropícios y rampúños de los franceses, poco a poco desbardióse.
   Amás del edificiu, y luégo de los robos por áciu de les tropes franceses, y otros sucedíos, pué destacáse el retablu barrocu del año 1730, que tenia por tronu, peana y pedestal, un mediu roble figuráu onde antañu, diben a cortar estilles, que la xente emplegaba como remediu a les malures.
   La virxen Del Carbayu, fue nomá la patrona de Llangreu en 1954, Y la fiesta que se entama en setiembre, ye de las más famóses del valle y de la rexón. En ella escóyese todos los años un "Llangreanu d' Honor", y ye de veres un honor pa'l que lu recoye. Esta folixa (aparexá y aviá añu tras añu per la sociedá de festexos d' El Carbayu, al cual apreciamos tóo'l trabayu), va postrera a un Novenariu en el que rézase el rosariu al toque del ángelus n'el campanariu, bien ceo, de madrugá, y al que suben a pata xente de tóo 'l conceyu.