Yera esta una ilesia pequeñina, quiciabes pocu mayor qu' una ermita, y de tránsitu asgaya por mor de les peregrinaciones a la Cámara Santa de la Catedral d' Uvieu, ya que pasaba per aquí el camín que venia del puertu Tarna fasta Santiago.

   De la primera costrucción, queden namás dos entraes: la principal (oeste), y una llateral (sur). La capilla mayor fue aviá a mediaos del siglu XVII por el arquiteutu Juan de Celis. A lo primero'l presente siglu, la ilesia fue bastiá y trocá po'l edificiu de anguañu, de estilu historicista neorrománicu, enpobinandola a semeyase con la estructura d' antañu, escaeciendose con toes estes obres, enterramientos y traces funeraries de una abonda antiguedad, aunque sin facese una idéa la fecha. Comu exemplu pué mentase el panteón de piedra que existía con un escudu de la familia Garcia Ciaño (de Alberto Garcia Ciaño, el xeneral de mar y tierra, existía un escritu en la fachá de la ilesia), con les sos armes: un león atáu a un alerce; castillos, cruz latina que llenaba el escudu en fondo roxu, y flores de lís de los Argüelles, con bordura de roeles. En la escalera de la ilesia afallabase una inscripción en estáu permalu (güei en la Real Academia de la Historia), que más o menos tenía esti aspeutu:

16 EAVIARTEE
SMFLXIII3METFCRE

   El estilu de la ilesia vieya, yera románicu bizantinu. La puerte principal, del siglu XVII, taba fecha por un arcu de mediu puntu con tres arquivoltes decoraes con motivos en zis-zas, picos de páxaros mordiendo un baquetón y boceles con boles, cincándose en seis columnes, les interiores más gordes rematando en capiteles con temes vegetales y escenes de persones, como el martiriu de San Esteban. En la portá sur tenemos un arcu apuntau de dos vueltes, una polilobulada, que se sofiten en dos machones y una par de columnilles con capiteles decoraos de páxaros afrontaos y sirenes. El guardapolvos y la impostura tan ajedrezaos.

  D' otres ayalges artístiques, tópense n' el ábside de la ilesia, onde se pue güeyar una pintura fecha en frescu, que amuesa el martiriu de San Esteban, figuranza fecha de les escritures de los Fechos de los Apóstoles, por los hermanos Bernardo (1892), Antonio (1902) y Constantino (1905) Uría Aza, nacíos en Ribesella. Estos mismos ficieron también la famosa "pequeña capilla sixtina" de la ilesia de Santa María Magdalena, también en Ribesella. D' esti fechu, tien enforma culpa Raúl Arias, coadjutor de la parroquia de Ciañu en aquelles dómines, allá per 1954.

N'esti enllaz puen vese delles partes aumentáes.