A vista páxaru

  
 La información que asoleyo aquí, fue guetá de abondes y desemeyaes fontes, como enciclopedies, guies turístiques, artículos de revistes o dirios, y llibros varios, dixebrando a Eladio Garcia Jove y Juan Gómez y G. De La Buelga; topando en dalgunes vegaes datos contradictorios entre ellos. Si daquién tien dalgún datu que trocar o ampliar, quedaréi abondamente agradeciu de que lo diga. Gracies.

    Anguañu, ye un distritu del conceyu de Llangreu, con el ayuntamientu cincau en Sama. Esta villa, hasta 1887, taba cincá en la parroquia de Ciañu.

   Tamos asitiaos en la fastera central de la rexón, y al que se pué llegar por la AS-17 Aviles- Puertu Tarna, y ye visita amañosa ( xunto con Riaño) por tar aquí abellugaos los monumentos históricos que queden dientro de esti conceyu. Tien aproximáo 22 km² de superficie. Los restos más antiguos que se algayaron refierense a un castru en el picu Castiello, en el llugar de Pumarín, asitiáu n'esta parroquia.    La referencia más vieya que algamé fasta agora, ye de 1175, onde se mencionen donaciones de unes heredaes en Ciaño por parte del matrimoniu de Gonzalo Sancii y Maria Martinez, y les sos fíes Iuliana y Maria, feches al monasteriu oventense de San Vicente. En 1338, una fueya que se correspuende a la concesión de titulu de pola a Llangreu, por Gutierrez de Oviedo, obispu de la capital, a pedíu de un conseyu de homes ilustres aconceyaos en la Ponte Otariellos ( puente de Los Torrijos), onde denúncien al nomáu obispu la falta seguridá y otres torgues derivaes de nun pertener la zona representación administrativa en su sítiu, y onde se menten entre otros llugares, el "dongorio de Cianno, Santo Estevano de Cianno".
   En 1556, Felipe II autoriza a Pedro de Solís, a vender finques del su mayorazgu pa mercar lo que llama "hacienda de Ciaño", mercando ente otres coses, la Torre de la Quintana a un tal Suero Garcia Ciaño, mienbru de la familia Garcia Ciaño, ésta relacioná desde antiguo con esti pueblu, como se cuida del apellídu. Según Tirso de Avilés sobre el blasón de los Ciaño:

"Dióse esto, sino me engaño
con dos manos estampadas
dentro del escudo asentadas
al linaje de los Ciaño
por sus armas señaladas".

  
 Fue escaeciéndose ésti apellíu, por falta de descendencia masculina, y ficiéronse con esta rama los Argüelles de Meres. La nomá torre, y otra n'el barriu de La Torre de Abaxo (güei desapaecia, y que había sido aforá a la casa de la Buelga por el su amu en 1633 por impagu de unas deudes), asitiábase en una riestra d'elles que existíen a renglón del valle desde Olloniego hasta Campu Casu.
Sobre el tiempu, topamos un comentariu en forma de poesia de la época que diz :

Si la borrina va de Llangreu pa Mieres,
cueye' l achu y pica astielles;
si la borrina va de Mieres pa Llangreu
cueye la moza y vete de paseo. 

   Y aparte los monumentos que existen y los desaparecios, tienen de nomáse, por la importancia p'al pueblu, instalaciones como el Pozu María Luisa, del que entamaron los trabayos pa explotálu en 1918 y estrenóse en 1942; pozu cimeru de la empresa, y que incluso tien una canción; Quimicas del Nalón; el colexu San Antonio La Salle, y como no, la ilesia de El Carbayu que malque lloñe unos tres kilometros y mediu, desde siempre túvose parte de Ciañu; onde se fai una folixa de solera asgaya; y el Centru Religiosu Islámicu d' Asturies ( nomáu At Tauhid), asitiau en la cai Nueva.

    También existe equipu fútbol: el San Esteban, fechu en 1962, que daquella nun teníen campu (el actual, xunto al rio, ye de plástico), siendo conocíu por usar los del restu' l valle; los sus colores son el azul y blanco, y tuvo hasta fai poco otru rival: el Troya C.F., ya desaniciáu, y fundáu en marzo de 1959 con los colores amarillu y negru.
   Como enfotu miu, amesto aquí al grupu de montaña Alpino-Encuentros, que caleya, trótia y debala, a lo llargo'l añu y que acoye toes les xeres del deporte de montaña.

Y como nun podía ser de otra forma, tenemos fiestes llocales que son: la del Corpus Christi en xunu, y el festexu gastronómicu de los callos en ochobre, en el fin de selmana más averáu a la fiesta de Nuestra Señora del Rosario. Déxo-vos un planu del pueblin, algunes otres semeyes: