Casa La Buelga

  " Buelga", ye neto, un llugar pa folgar y tar aposentáu, "sitio para holgar" en castellán vieyo. Esta casona, n' otres dómines, nun tenia el aspeutu de un únicu edificiu como anguañu. Atopáronse restos del siglu XIV o prencipios del XV, onde se puen atalantar dientro la su estrutura, una vivienda, unes cuadres, una antoxana de madera, un graneru y quiciabes una segunda vivienda más pequeñina, asitiao dientro les llendes de la casona. Fue tracamundiá en 1650 axuntándoy un cuerpu delantreru con una fachá que índa se topa como muria interior, en la que se alcuentren unos furacos con jambes llabraes en piedra. Rellevantá en 1776 por Gabriel Calixto, que averó el cuerpu delanteru de piedra llabráo pa asoleyar el aspeutu de casona-palaciu.

   Alredor de la casona existieren construcciónes varies: panera, bodega, cuadra, palomar, unes inda existentes, y otres esgonciáes.
 N' el escudu asitiáu en la fachá vése un lleón y un árbol con una torre que pertenecen a los Ciaño; y el brazu y flores de lis, de los Sanfrechoso y Argüelles.

   Los primeros Buelgas que se pescáncien son Sancho y Alonso de La Buelga, dueños de la casa enantes de 1540. Más llueu apaéz Fernando García de La Buelga, en tratos con el Prior Solís. Esta casa algamó protagonismú como asientu de esta familia al mercar los Solís, la Quintana. Depués apaecen como propietarios Pedro y Fernando de La Buelga. Anguañu, ye propiedá del Principáu d' Asturies, y arrendá a la Universidá d'Uvieu, que lleva a cabu n'ella cursos de extensión universitaria, y ufierta a los estudiantes y xente de toa triba, servicios como biblioteca, terminales de ordenador,sales pa exposiciones, etc.

    En lo postrero, emponderar la afayaiza y barata llabor de la escuela taller "Casa la Buelga", que dexó la casa tal y como güei la topamos, y que de nun ser por ellos, apenes quedaríen regodones.