|
Yera de Don Pedro de la Buelga "El Vieyu", a lo postrero del siglu XVI y traspasau al morrer a los sos fios: Pedro y Ana. Yera en aquelles dómines una modesta casa de llabor, que co'l pasu'l tiempu sufrió camudamientos, sobre toó por los marqueses de Sanfelíz, cuyos descendientes dexáron como asilu d' ancianos, usu qu'entá caltién. Conocía como Casa de Cimadevilla, apaéz documentá en 1745 como pertenéncia de la familia Valdés. Según Garcia Jove, fue fundá por los Buelga, pasando a los Valdés por casamientu de doña Leonor de La Buelga con Pedro Valdés Sorribas. Según la recoldanza d' algunos, la casa tenía sólo dos plantes, con buenos sillares en les esquines y ventanes, y un corredor de madera en la fachá de mediudía. En 1717, al morrer Francisco Antonio (postrer dueñu antes de los Sanfelíz), caltién solo una pequeña parte (la "sala vieya" ), y una "torre Antigua", de la que se fala en otros documentos, y más sero desaparecía. Atesterá al "corredor vieyo", atopábase la ermita dedicá al "Glorioso San Pedro", el santu del guelu fundaor. (a lo que paéz, existía otra casa averá con ella, de un tal Bernabé Valdés, hoy mecía con el asilo). Por dientro parez ser que tenía varies y amplies estancies principales: el salón principal, el cuartu de les cuatro cames, el cuartu del estrau y unos cuartos menores que daben a un corredor, donde dormíen el capellán y los criaos. Tenía tamién una alcoba separtá por una cortina xunto al cuartu'l estrau, con una cama con dosel. En el comedor de la entrá principal, de buen tamañu, recibía Don Francisco a los sos renteros. Llama a la vista, la entrá fecha con arcu carpanel en sillar, rematá de llau, en dos volutes bien abultáes. N'el centru elevábase un cuerpu a modu de áticu, con hornacina y frontón partíu, con el vértice triangular, que contien un escudu y dos pináculos al estilu barroco. En el patio
alcuentrase una capilla neogótica, en
cuyu frente asoléyase la fecha de 1889.
Fue acuriosá en 1945. En ella tán enterraos
los marqueses de Sanfelíz ( como tamién
ye nomáu el edificiu); tien dos escudos, ún
con flores de lis de los Argüelles y el otru con cuarteles
de los Ciañu, Sanfrechoso y Valdés. La portada
trabayá en sillar, fórmase con un arcu
apuntau, formau por moldures y adornos de flores que enmarca
tres rosetones y laceríes neogótices; en el hastial tópase
otru rosetón ramatáu con pináculos. La puerte ye
adintelá. |
