|
Güei conocía como casa los Alberti, ye quiciabes del siglu XVII. Tal edificiu ye de planta rectangular estremau en dos plantes con fachá a dos cais y una de llau al parque. La fachá principal, orientá pal norte, caltién n' el centru un escudu con les armes de los Buelgas, los sos fundaores, y los Sanfrechoso. En la planta baxa tien tres puertes; la central de mayor tamañu que les llaterales. Arringláu co' l escudu que fai d' exe, en la planta cimera, tién balcones adintelaos y enmarcaos por sillares. Perteneció al escribanu Don Thoribio de La Buelga Ciaño, y fue camudá n'el aspeutu actual po'l su fiu el licenciau Don Phelipe a mediaos del siglu XVII, al fallecimientu de so má, Doña Inés Alvarez de Grado, fundaora del vínculu de La Ceposa; llugar de la rodiada de la feligresía de Ciañu, asitiau xunto al riu Nalón; tierra de llabor pergrande y fructífera, allugandose más allá del pueblu de Ciañu hasta la desembocaura del riu Villar. Allí teníen heredáes los hermanos Garcia Ciaño, Iván y Alonso Bernardo de Quirós, los Argüelles de Siero, el prior Solís y los hermanos Fernando y Pedro de La Buelga. Más tarde apaez como dueñu de La Ceposa, Thoribio de La Buelga Ciaño. El últimu dueñu fue Fernando Alberti de la Torre. Güei, ta iguá, arreglá pa acoyer el centru de referencia de la llingua y el folclor asturianu. Ta asentáu n'ella el grupu Reija, y pué vese una semeya de le vestios d'angüañu y una esbilla de curdiones de varies menes, como les diatóniques, de pianu, etc. Tamién hay un cuartu de prensa y una biblioteca de lliteratura n'asturianu. |
